கடைசியா போட்ட playlist , ஜனவரி மாசத்தோடது. அதுக்கு அப்பறம், என் சிஸ்டம்லயும் நான் எதுவும் playlist உருவாக்கல. ஏன்னா, என் ப்ராஜக்ட் வேலைல கொஞ்சம் பிஸி ஆகிட்டேன். இப்போ வெற்றிகரமா முடிச்சிட்டேன், அதனால நாம் நம் கலைச் சேவையை தொடருவோம்னு வந்துட்டேன். இந்த மூணு மாசத்துல, அப்டி இப்டி, ஒரு 15 படங்களோட பாடல்கள் வந்துருக்கு. அதுல நான் ஒழுங்கா கேட்டது, நாலஞ்சு படப் பாடல்கள் மட்டுமே. அதனால, இந்த லிஸ்ட்ல, உங்க கணிப்பு ஏதாவது விட்டு போயிருந்தா, அதுக்கு கம்பெனி பொறுப்பாகாது. இந்த எந்த மாசத்து லிஸ்டுன்னு கேட்காதீங்க. மூணு மாசத்துக்கும் சேர்த்துதான்.
போன லிஸ்ட்லேர்ந்து இன்னும் இருக்குற பாடல்கள்னு பார்த்தீங்கன்னா / கேட்டீங்கன்னா
அசல் - ஹே துஷ்யந்தா,
கோவா - ஏழேழு தலைமுறைக்கும்,
(பாட்டுக்காக மட்டுமே ஓடற) பையா - என் காதல் சொல்ல...
இப்போ புது லிஸ்டுக்கு வந்தீங்கன்னா,
பானா காத்தாடி அப்படின்னு ஒரு படம் (அட அட அட.... வரி விலக்கு குடுக்க வேண்டிய டைட்டில்) நம்ம சின்ன தல யுவன் தான் இசை. அதுல "என் நெஞ்சில்" னு ஒரு பாடல். சாதனா சர்கம் சூப்பரா பாடிருக்காங்க.
(கர்நாடக சங்கீதத்தை பற்றி, கவலை இல்லாதவங்க, அடுத்த பத்திக்கு தாவிடுங்க)
எங்கேயோ கேட்டா மாதிரி இருக்கேன்னு, நம்ம இசை அறிவ கொஞ்ச நோண்டி, கூகிள் உதவியோட, ஒரு மேட்டர கண்டுபுடிச்சேன். இந்த பாடலோட ராகத்தின் பேரு, கௌரி மனோஹரி. இந்த ராகத்துல, இதுக்கு முன்னாடியே, நம்ம யுவன், ராம் படத்துல, ஆராரிராரோ, அப்படின்னு ஒரு பாடல போட்டிருக்கார். நம்ம பெரிய தலை ராஜா சார், இந்த ராகத்துல விளையாடிருக்கார். அது சில பாடல்கள், கிளி பேச்சு கேட்கவா படத்துல வர, அன்பே வா அருகிலே, தூறல் நின்னு போச்சு படத்துல வர, பூபாளம் இசைக்கும், நிழல்கள் படத்துல வர தூரத்தில் நான் கண்ட உன் முகம் (படத்துல இந்த பாடல் கிடையாது). இப்படி பலப் பல சிசுவேஷன்களுக்கு இந்த பாடலை போட்டிருக்கார், ராஜா. குத்து பாட்டு ஸ்டைல்ல கூட ஒரு பாட்டு போட்டிருக்கார் - வாத்தியார் வீட்டு பிள்ளை படத்துல வர, வாழ்க்கையிலே கஷ்டம் வந்து...
ஆரோமலே - வி.தா.வ..
சுறா - நான் நடந்தால் அதிரடி. இந்த பாட்டோட ஒரிஜினல் வெர்ஷன் எனக்கு ரொம்ப பிடிக்கும். அதனாலதான் இதுவும். வழக்கம் போல மொக்கை லிரிக்ஸ்.
முன்னாடியே வந்த கச்சேரி ஆரம்பம் படத்துல, peppy ஸாங்க்ஸ் ரெண்டு இருக்கு. கச்சேரி கச்சேரி + வாடா வாடா.. பெருசா அலசர்துக்கு ஒண்ணும் இல்லைனாலும், இந்த ரெண்டு பாட்டு எனக்கு புடிச்சிருக்கு.
கடைசியா, ராவண் or ராவணன்.ரொம்ப நாள் கழிச்சு, ரஹ்மான், தன்னோட பாணியில ஒரு படம் பண்ணிருக்கார். எப்பவும் ரஹ்மான் பாடல்கள், முதல் தடவை கேட்கும்போது புடிக்காதுன்னு சொல்லுவாங்க. ஆனா, இந்த படத்துல வர, ராஞ்சா ராஞ்சா பாடல், முதல் தடவை கேட்டவுடனே எனக்கு புடிச்சுப் போச்சு. பெஹனே தே பாடலோட ரெண்டாவது interlude கொஞ்சம் இழுவை, but ஓவரால் பாட்டு ஓகே. மத்த பாடல்கள் ஒண்ணும் பெருசா ஈர்க்கலை. இதோட தமிழ் வெர்ஷன்ல, வரிகள் எல்லாம் செம்ம காமெடி. டி ராஜேந்தர் assistants எழுதினா மாதிரி இருக்கு. காட்டு சிறுக்கி, உசுரே போகுதேன்னு செம்ம காமெடி பண்ணிருக்காங்க. எனக்கு "எங்கடா உங்க MLA", "கழட்டுடா அமைச்சர் வேட்டிய"னு தெலுங்கு டப்பிங் பட டைட்டில் எல்லாம் ஞாபகத்துல வந்துச்சு. வசனமும் இதே மாதிரி ஜுனூன் தமிழ்ல translate பண்ணிருந்தாங்கன்னா, படம், சுறாவுக்கு பெரிய போட்டி ஆகிடும். கிளம்பட்டா நான் இப்போ... சந்திக்கலாம் அப்பறமா நாம் எல்லாரும்...
நான் பாடின பாட்டை கேட்டாலே இப்படிதான்...
4 comments:
//நம்ம பெரிய தலை ராஜா சார், இந்த ராகத்துல விளையாடிருக்கார். அது சில பாடல்கள்//
இன்று நீ நாளை நான் படத்துல வரும் பொன் வானம் பன்னீர் தூவுது பாட்டும் இதே ராகம்னு நினைக்கிறேன்.. ரைட்டா..??
@pras
adhe adhe
My favorite is 'Thakudhae' from Baana Kathadai.
Ravanan lyrics are folkish. Etho translate panna mari than irukku. But I liked most of the songs except for the one sung by benny. Kalvare sung by shreya koshal is a good one. "Uyirae" song is also equally good.
Madrasu pattiman, Angadi theru, Kanaga vel kakka, mundhinam parthaenae, thambhiku entha ooru ...each has one or two good songs to offer.
@vani
raavan sounds better in hindi, even though i don understand a bit. will listen to the other movies u mentioned :) thank u...(and i dint lik aval appadi ondrum azhagillai)
Post a Comment